Sirdaryoda metan zapravka salkam 62,5 milliard so‘mlik gazdan noqonuniy foydalangani aniqlangandi. Bosh prokuratura matbuot xizmati holat yuzasidan jinoyat ishi qo‘zg‘atilganini ma’lum qildi.
-9nABu_lu.jpg)
“B.M.” MCHJ mansabdor shaxslari va boshqalar jamiyatga qarashli Boyovut tumani “Beruniy” mahallasida joylashgan avtomobillarga gaz to‘ldirish kompressor shoxobchasida tijorat maqsadlarida noqonuniy daromad orttirishni ko‘zlaib, hisoblagichdan tashqari gaz tarmog‘iga to‘g‘ridan to‘g‘ri o‘zboshimchalik bilan ulab, noqonuniy ravishda tabiiy gazni o‘g‘irlagani aniqlangan.
Dastlabki hisob-kitoblarga ko‘ra, davlat manfaatlariga yetkazilgan zarar miqdori jami 62 milliard 488 million so‘mni tashkil etgan.
Holat yuzasidan “B.M.” MCHJ mansabdor shaxslari va boshqalarga nisbatan Jinoyat kodeksining 169-moddasi (o‘g‘rilik) 4-qismi bilan jinoyat ishi qo‘zg‘atilib, ikki nafar shaxs protsessual tartibda ushlandi.
Ayni paytda huquqni muhofaza qiluvchi va nazorat organlari tomonidan tabiiy gaz va elektr energiyasidan noqonuniy foydalanish holatlarini fosh etishga qaratilgan kuchaytirilgan reyd tadbirlari davom etmoqda.
Izoh (0)