Janubiy Koreya terma jamoasi hujumchisi Son Hyon Min “Tottenhem”ni tark etishini rasman e’lon qildi. Futbolchi bu haqda London klubining Janubiy Koreyadagi yig‘ini oldidan o‘tkazilgan matbuot anjumanida ma’lum qildi.
Matbuot anjumani boshlanishidan oldin shuni ochiq aytmoqchimanki, bu yozda “Tottenhem”ni tark etaman. Rahbariyat ushbu qarorimga hurmat bilan yondashib, meni har tomonlama qo‘llab-quvvatladi. Ortda qanchadan-qancha ajoyib xotiralar qoldi. Bu mening futbolchilik faoliyatimdagi eng og‘ir qarorlardan biri bo‘ldi. Men Londonga 23 yoshimda, hali katta futbol endi kirib kelayotgan yosh yigitcha sifatida kelgan edim. Endi esa bu klubni tajribali futbolchi sifatida tark etyapman. Muxlislarga minnatdorchilik bildiraman. Chunki ular doimo meni qo‘llab-quvvatlab kelgan. Bu haqda jamoadoshlarimga aytish ham oson bo‘lmadi. Chunki biz oila-a’zolarimizdan ham ko‘proq birga vaqt o‘tkazamiz. Qarorim qat’iy, lekin qolgan ikki kun ichida muxlislar bilan yana bir nechta iliq, unutilmas xotiralarni yaratishga harakat qilaman, — deydi Son Hyon Min.
Ma’lumot uchun, Son Hyon Min 2015-yil Germaniyaning “Bayer” klubidan 30 million yevro evaziga o‘tgan edi. U “Shporlar” safida jami 454 uchrashuvda maydonga tushib, 173 ta gol va 101 golli uzatma muallifiga aylangan.
Izoh (0)