Janubiy Koreya prokuraturasi sobiq birinchi xonim Kim Kon Xini hibsga olish uchun sudga murojaat qildi. Bu haqda Reuters xabar berdi.
Ta’kidlanishicha, prokurorlar bu haqda 7-avgust kuni ma’lum qilgan. Bungacha sobiq birinchi xonim korrupsiyada ayblanib tergov qilinayotgan edi. Ayni paytda, prokuratura hibs orderi bilan bog‘liq batafsil ma’lumot bermagan. Kimning advokatlari unga qo‘yilgan ayblovlarni rad etmoqda.
Ma’lum qilinishicha, Kim va uning turmush o‘rtog‘i sobiq prezident Yun Sok Yol boshqa-boshqa prokurorlar tomonidan so‘roq qilinmoqda. Xususan, prezident Yun aprel oyida favqulodda holat e’lon qilgani uchun hibsda tergovga olingan. Uning rafiqasi esa aksiyalarning narxini manipulyatsiya qilish, pora olish va partiya nomzodlarini tanlash jarayoniga noqonuniy aralashishda gumon qilinmoqda. Matbuot vakillari savollariga javob bermagan Kim, jamoatchilikda xavotir uyg‘otganidan afsusdaligini bildirib o‘tgan.
Eslatib o‘tamiz, 2024-yil 3-dekabr kuni sobiq prezident Yun tarafidan e’lon qilingan harbiy holat bir necha soat ichida tugatilgan. 14-dekabr kuni parlament uni impichment qilib, aprel oyida esa Konstitutsiyaviy sud prezidentni rasman lavozimidan chetlatgan edi.
Iyunda bo‘lib o‘tgan muddatdan oldingi prezidentlik saylovlarida liberal nomzod Li Je Myong g‘alaba qozongan. Shundan keyin, u Yunning harbiy holat joriy qilishi, uning rafiqasiga oid ayblovlar va 2023-yilgi suv toshqini chog‘ida halok bo‘lgan dengiz piyodasi ishini tergov qilishga buyruq bergan edi.
Izoh (0)