Lib-Duxtegan hakerlar guruhi Eron Milliy Tanker kompaniyasi va Eron Kemachilik kompaniyasining tizimlariga buzib kirishi natijasida 39 ta neft tankeri va 25 ta yuk kemasining ishi izdan chiqdi. Bu haqda Sky News Arabia nashri xabar bermoqda.
“Eronning 60 dan ortiq neft tankerlari va yuk kemalarining tizimlari ishdan chiqarildi, bu esa mazkur kemalar, ularning portlari va tashqi dunyo o‘rtasidagi aloqalarning uzilishiga olib keldi. Bu Eron dengiz sektoriga qaratilgan eng yirik kiberhujumlardan biri bo‘ldi”, deyiladi hakerlar bayonotida.
Guruhning qo‘shimcha qilishicha, buzg‘unchilik Eronning telekommunikatsiya va axborot texnologiyalari sohasida faoliyat yurituvchi “Fanava” holdingi tarmog‘iga kirib amalga oshirilgan. Ushbu xolding sun’iy yo‘ldosh aloqasi, ma’lumotlarni saqlash va to‘lov tizimlari xizmatlarini ko‘rsatadi.
Bundan avval TeleMessage xavfsiz korporativ yozishmalar xizmatiga ruxsatsiz kirgan haker 60 ga yaqin amerikalik amaldor, jumladan, AQSH prezidentining milliy xavfsizlik bo‘yicha yordamchisi Mayk Uoltsning ma’lumotlarini qo‘lga kiritgani xabar qilingandi.
Izoh (0)