Toshkent shahar Olmazor tumanida uka o‘z opasidan mulk ulushini MIB orqali qaytarib oldi. Bu haqda MIB axborot xizmati xabar berdi.
Unga ko‘ra, Majburiy ijro byurosining Olmazor tuman bo‘limi ish yurituviga fuqarolik ishlari bo‘yicha Shayxontohur tumanlararo sudining ijro varaqasiga asosan Yu.K.dan undiruvchi G.S. foydasiga 58 million 730 ming so‘m miqdorida mol-mulk ulushidan kompensatsiya undirish to‘g‘risidagi ijro hujjati kelib tushgan.
Qarzdor opa ukasiga o‘z ixtiyori bilan mol-mulkdan ulushni to‘lab bermagani sababli majburiy ijro harakatlariga kirishilgan. Bo‘lim davlat ijrochisi tomonidan olib borilgan ijro harakatlari natijasida Yu.K.dan mazkur pul mablag‘lari to‘liq undirilib, undiruvchi tomonidan taqdim etilgan bankdagi hisob raqamiga o‘tkazib berildi va ijro ishi amalda tamomlandi.
Bundan avval Surxondaryo viloyati Sariosiyo tumanida ayol tanishiga bergan qarzini MIB orqali qaytarib olgani haqida xabar berilgandi. Sud uning haqiqatdan uning tanishiga 97 million 560 ming so‘m qarz berganini, ushbu qarzlar yillar davomida qaytarilmagani sababli majburiy tartibda undirishni belgilab bergan.
Izoh (0)