Favqulodda vaziyatlar vazirligi qutqaruchilari tomonidan Bo‘stonliqda adashib qolgan fuqarolarga amaliy yordam ko‘rsatildi. Bu haqda vazirlik matbuot xizmati xabar berdi.
Qayd etilishicha, Toshkent viloyati Favqulodda vaziyatlar boshqarmasiga Bo‘stonliq tumanidagi “Kichik Oqsoy” tog‘iga sayr qilish maqsadida borgan 4 nafar fuqaro yo‘ldan adashib qolgani va ularga yordam zarurligi to‘g‘risida xabar tushgan.
Xabarga asosan Chimyon yong‘in-qutqaruv otryadining bir guruh qutqaruvchilari zudlik bilan aytilgan manzilga yetib borib, qidiruv-qutqaruv ishlarini amalga oshirgan. Olib borilgan saʼy-harakatlar natijasida yo‘ldan adashgan fuqarolar “Kichik Oqsoy” tog‘ining, dengiz sathidan 2000 metr balandlikda ekani aniqlanib, sog‘-salomat xavfsiz hududga olib tushilgan.
Hodisa oqibatida tan jarohat olgan va halok bo‘lganlar yo‘q, — deyiladi xabarda.
Eslatib o‘tamiz, 2023-yil aprelda ham qutqaruvchilar Toshkent viloyatining Bo‘stonliq tumanidagi tog‘larda adashib qolgan to‘rt kishiga yordam bergandi.
Izoh (0)