Jizzaxda fuqaroni AQSHga yuborishini aytib, Afrikaga jo‘natgan shaxs ushlanishi, Otalar kuni jiddiy siyosiy-ijtimoiy kun sifatida ommalashtirilishi zarurligini aytgan Alisher Qodirov, Qoraqalpog‘istonda bog‘cha bolalari bo‘lgan avtomobil YTHga uchrashi — “Daryo” nashri bugun, 19-iyunda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
Sirdaryoda Nexia-2 kanalga qulashi oqibatida besh kishi halok bo‘ldi
Haydovchi va uch nafar yo‘lovchining jasadi topilgan, yana bir yo‘lovchini qidirib topish choralari ko‘rilmoqda.
Farg‘onada IIBga inspektor haqida yolg‘on ariza bergan ayol 5 yilga qamaldi
Ayol uchta holatda o‘zgalar bilan ishqiy munosabatga kirishib, ular qarzdor ekani haqida ham bir necha marotaba ariza bergan.
Jizzaxda fuqaroni AQSHga yuborishini aytib, Afrikaga jo‘natgan shaxs ushlandi
U Afrikada chorasiz qolib ketgan fuqaroning vaziyatni o‘nglash uchun yana 6,7 ming dollar talab qilgan.
Xorazmda 25 nafar davlat xizmatchisi 6 oydan buyon oylik berilmayotganidan shikoyat qilmoqda. Holat yuzasidan mas’ul idora izoh berdi
“Xorazm Yo‘lovchi tashishni monitoring va nazorat qilish” davlat muassasasi xodimlarining oylik maoshlarini to‘lab berish maqsadida barcha hisob-kitoblar Moliya vazirligiga taqdim qilingan.
O‘zbekistonda 2024-yil uchun bug‘doy xarid qilish va sotish tartibi tasdiqlandi
2024-yilda sug‘oriladigan maydonlarning har gektaridan o‘rtacha 2,5 tonnadan bug‘doy xarid qilinadi.
Nukusda profilaktika inspektori aqli noraso keksaning uyini o‘zlashtirib, xotiniga hadya qilgani aytilmoqda
Bundan tashqari, u fuqaroni majburan shifoxonaga joylashtirib, uning pullarini o‘zlashtirgan va opasining nomiga Lacetti olgan.
Jizzaxda transport vositasida odam o‘limiga sababchi bo‘lgan 23 yoshli yigit Yoshlar ittifoqi kafilligi ostida ozod etildi
Sudda u sodir etgan jinoyat ishi ehtiyotsizlik oqibatida kelib chiqqani, OTM talabasi ekani hisobga olingan.
“Otalar kuni jiddiy siyosiy-ijtimoiy kun sifatida ommalashtirilishi zarur” — Alisher Qodirov
“Milliy taklanish” demokratik partiyasi raisi farzand ko‘rgan ayollarga 3 yilgacha haq to‘lanadigan onalik taʼtili berish taklifi ustida ishlanayotganini ham aytdi.
O‘zbekistonda oliy va birinchi malaka toifasiga ega o‘qituvchilar oylik maoshi oshirilishi kutilmoqda
Maktablarda ta’lim sifatini oshirish bo‘yicha takliflar ko‘rib chiqildi.
“Rasmiy Seul O‘zbekistonning JSTga a’zo bo‘lishini to‘liq qo‘llab-quvvatlaydi” — Koreya savdo, sanoat va energetika vaziri
Koreya Respublikasi prezidenti Yun Sok Yolning O‘zbekistonga tashrifi davomida ikki mamlakat o‘rtasida Jahon savdo tashkiloti doirasida hamkorlik to‘g‘risida bayonnoma imzolangan.
Qoraqalpog‘istonda bog‘cha bolalari bo‘lgan avtomobil YTHga uchradi
Jarohatlanganlar bor.
Qirg‘izistonda sodir bo‘lgan zilzila O‘zbekiston hududlarida sezildi
Uchta hududda 2-3 ballik yer qimirlashi qayd etilgan.
Chustda sel kelishi oqibatida opa-singilni devor bosib qoldi
“O‘zgidromet” 17–19-iyun kunlari respublikaning tog‘oldi va tog‘li hududlarida sel-suv toshqini yuzaga kelishi haqida xabar bergan edi.
Sirdaryoda Nexia-1 yuk mashinasiga kelib urilishi oqibatida ikki kishi jarohatlandi
Hozirda Sardoba tumani IIB xodimlari tomonidan tergov harakatlari olib borilmoqda.
Toshkent viloyatida erkak 5 yoshli qizchaga tegajog‘lik qilganlikda ayblanmoqda
Bolalar ombudsmani vaziyatni nazoratga olgan.
O‘zbekistonda 2027-yilgacha bo‘lgan davrda mahalliy zargarlik buyumlari ishlab chiqarishni rivojlantirish bo‘yicha dastur ishlab chiqiladi
Prezidentga zargarlik buyumlarini ishlab chiqarish va sotish faoliyatini qo‘llab-quvvatlashga qaratilgan chora-tadbirlar taqdimot qilindi.
O‘zbekistonda master rejalar asosida bo‘ladigan loyihalar hisobiga 350 mlrd so‘m daromad tushishi kutilmoqda
Shavkat Mirziyoyev tuman va shaharlarning master rejalarini ishlab chiqishga oid taqdimot bilan tanishdi.
O‘zbekistonliklarning Rossiyaga kirishida tekshiruvlar ko‘paygani aytilmoqda. Elchixona holatni nazoratga olgan
Vaziyatga oydinlik kiritish maqsadida elchixona Rossiya Tashqi ishlar vazirligiga murojaat yuborgan.
Izoh (0)