Shavkat Mirziyoyev va Italiya bosh vaziri Jorja Meloni 29-may kuni Samarqand shahridagi Kongress markazida tashkil etilgan “O‘zbekiston va Italiya: sivilizatsiyalar muloqoti” ko‘rgazmasini tomosha qildi.
Prezident matbuot xizmatining xabar qilishicha, noyob ekspozitsiya ikki mamlakat o‘rtasidagi chuqur tarixiy, ilmiy va madaniy aloqalarga bag‘ishlangan. U “Rim va Kushon imperiyalarining savdo munosabatlari”, “Birinchi Uyg‘onish davri”, “Marko Polo”, “Amir Temur”, “Mirzo Ulug‘bek” va “Zahiriddin Muhammad Bobur”, “XIX asrda O‘zbekistondagi italiyaliklar”, “Ikkinchi jahon urushida o‘zbekistonliklarning Italiyani ozod qilishga qo‘shgan hissasi”, “O‘zbekiston va Italiya: madaniy merosni asrash” kabi 9 ta mavzuli bo‘limdan tashkil topgan.
Mehmonlarga Afrosiyobning “Samarqand hukmdori tomonidan elchilarni qabul qilish marosimi” nomli devoriy suratning mashhur italiyalik usta Mauro Pellisonni tomonidan Florensiya mozaikasi uslubida ishlangan noyob nusxasi namoyish etildi.
-qRPQtmvA.avif)
-_3KWlUoo.avif)
Shuningdek, yetakchilar turli tarixiy yodgorliklar, grafik tasvirlar, qo‘lyozma va miniatyuralar, nodir adabiy nashrlar, haykallar, arxiv suratlari va hujjatlari bilan tanishdi.
-etGGjqYy.avif)
-b5VjRgPz.avif)
Italiya bosh vazirinining Samarqandga tashrifi
Italiya bosh vaziri Jorja Meloni Shavkat Mirziyoyev taklifiga binoan 28-may kuni rasmiy tashrif bilan O‘zbekistonga keldi. Samarqand xalqaro aeroportida bosh vazirni O‘zbekiston yetakchisi kutib oldi. So‘ng davlat rahbarlari Samarqand shahridagi Registon maydonida, Silk Road Samarkand xalqaro turizm markazidagi “Boqiy shahar” tarixiy-etnografik bog‘ida bo‘ldi. Raqs jamoalarining chiqishlaridan iborat madaniy dastur namoyish etildi.
29-may kuni Italiya bosh vazirini rasmiy kutib olish marosimi bo‘lib o‘tdi. Shu kuni Shavkat Mirziyoyev va Jorja Melonining yuzma-yuz hamda rasmiy delegatsiyalar ishtirokidagi muzokaralari bo‘lib o‘tdi. Uning yakunida O‘zbekiston va Italiya strategik sherikligini mustahkamlash bo‘yicha deklaratsiya imzolandi. Ikki davlat o‘rtasida yana bir qator hujjatlarni imzolash marosimi o‘tkazildi.
Izoh (0)