Dunyoga mashhur videobloger Mr Beast o‘zbek tilini biladigan koordinator izlamoqda. Bu haqida LinkedIn platformasida e’lon berildi.
“Videobloger Mr Beast o‘zbek tili koordinatorini ishga oladi, rus tilini emas, boshqa turkiy tillarni biladigan emas. Dyuk universitetida postsovet mamlakatlari tillari qatorida o‘zbek tili ham o‘qitilmoqda.
Raqamli mahsulotlarning O‘zbekiston bozorida ahvol qanday? Zamonaviy dunyoda ikkita mashhur bilim maskaniga nima talab qilmoqda?”, deb yozadi LinkedIn foydalanuvchilaridan biri.
Mr Beast, asl ismi bilan James Stephen Donaldson, 1998-yil 7-mayda AQSHning Kansas shtatida tug‘ilgan. U internetda Mr Beast nomi bilan tanilgan mashhur amerikalik YouTuber, tadbirkor va xayriyachi hisoblanadi. Mr Beast YouTube’da o‘zining katta mukofotli chaqiriqlari, g‘ayrioddiy tajribalari va saxovatli xayriyalari bilan tanilgan. Uning asosiy kanali 390 milliondan ortiq obunachiga ega bo‘lib, YouTube’dagi eng ko‘p obunachiga ega kanal hisoblanadi.
Faoliyati va muvaffaqiyatlari
MrBeast 2012-yilda YouTube’da faoliyatini boshlagan. U dastlab MrBeast6000 nomi ostida turli videolar joylashtirgan. 2017-yilda “100,000 gacha sanash” videosi bilan mashhurlikka erishgan. Keyinchalik, u do‘stlari bilan birga ishlay boshlagan va kontentini yanada kengaytirgan.
Uning mashhur videolari:
$456,000 Squid Game In Real Life! — 789 milliondan ortiq ko‘rishlar.
Last To Leave Circle Wins $500,000 — 512 milliondan ortiq ko‘rishlar.
$1 vs $500,000 Plane Ticket — 300 milliondan ortiq ko‘rishlar bilan.
Xayriya va ijtimoiy loyihalari
Mr Beast xayriya faoliyati bilan ham tanilgan. U Team Trees va Team Seas kabi loyihalarni boshlagan. Team Trees loyihasi orqali 24 milliondan ortiq daraxt ekilgan bo‘lsa, Team Seas loyihasi orqali okeanlardan 30 million funtdan ortiq chiqindi yig‘ilgan.
Biznes loyihalari
Mr Beast bir nechta biznes loyihalarini ham yo‘lga qo‘ygan:
MrBeast Burger — tez tayyorlanadigan taomlar tarmog‘i.
Feastables — shirinliklar va gazaklar brendi.
Beast Games — Amazon Prime’da namoyish etiladigan realiti-shou. Ushbu shouda 7000 ishtirokchi qatnashadi va 12 million dollarlik mukofot jamg‘armasi mavjud.
Izoh (0)