Bugungi kunda ijtimoiy tarmoqlar orqali moliyaviy foyda olish uchun hech kimnikiga o‘xshamas g‘oya va kontent yaratish hamda uni auditoriyaga qiziqarli tarzda yetkazib berish talab etiladi. Quyida shunday vazifaning uddasidan chiqqan eng serdaromad YouTube-blogerlar reytingini ko‘rib chiqamiz.
10-o‘rin: Dude Perfect
Amerikalik sport va komediya guruhi Dude Perfect besh nafar ishtirokchidan iborat. Ular o‘zlarining ajabtovur fokuslari, sehrli tryuklari va o‘yinlari tufayli mashhur. Ularning asosiy kanali 60,5 milliondan ortiq obunachiga ega va kanaldagi eng mashhur video deyarli yarim milliard marta tomosha qilingan. Jamoaning o‘tgan yilgi daromadi taxminan 20 million dollarni tashkil etgan.
9-o‘rin: Mark Rober
Ilm-fan haqidagi YouTube kanali muallifi Mark Rober haqiqatdan ham juda foydali kontent yarata olgan kamyob vlogerlardan. 44 yoshli yutuber 7 yil davomida NASAda muhandis bo‘lib ishlagan va u yerda Marsda mashhur Curiosity raketasini yaratishda ishtirok etgan. Shundan so‘ng Mark Apple’da ishlashga muvaffaq bo‘ldi, u yerda bloger virtual reallik sohasidagi patentlar, shuningdek, uchuvchisiz avtomobillar sohasida faoliyat ko‘rsatdi.
Shu sababli Mark Robertning ilmiy kanali tezda juda mashhur bo‘lib ketdi. Hozirda uning 59,3 million obunachisi bor va eng yaxshi video 175 million marta tomosha qilingan. Mark Rober 2024-yilda taxminan 25 million dollar ishlab topgani taxmin qilinmoqda.
8-o‘rin: Rayan Kadzi
Dunyodagi 8-eng boy yutuber va ushbu ro‘yxatdagi birinchi yosh bola Rayan Kadzini 38,2 million kuzatadi. Uning kishi Rayan’s World kanaliga joylashtirilgan videolar bir necha milliard tomosha qilingan. Rayanning ota-onasi u bola to‘rt yosh bo‘lganida kanalni ochgan.
Hozirda u 13 yoshda va o‘tgan yili blogerning daromadi 27 million dollarni tashkil qilgan. Kadzining o‘yinchoqlar qutisini ochadigan videosi mashhur bo‘lgach, uning onasi asosiy ishini — kimyo fani o‘qituvchiligini tashlab, blogerlik faoliyatiga e’tibor berishga qaror qilgan.
7-o‘rin: Anastasiya Radzinskaya
Like Nastya YouTube kanali tufayli 10 yoshar qiz 2021-yilda Forbes reytingida oltinchi o‘rinni egallagan. Kanal hozirda 122 milliondan ortiq obunachiga ega. Bundan tashqari qo‘shimcha yana 11 ta kanal mavjud. Qizning ota-onasi Yuriy va Anna Radzinskiylar Forbes nashriga qizining o‘sishi uchun blog ochganliklarini ma’lum qilgan.
Nastya haqidagi blog ochilishining tarixi ajoyib: qizaloq tug‘ilganida unga miya falaji tashxisi qo‘yilgan. Shifokorlar bola hech qachon normal yashay olmasligini, hatto gapira olmasligini bashorat qilishgan. Ota-onalar umidsizlikka tushmay, bor vaqtini qiziga bag‘ishlay boshlagan va ikki yoshga kelib qiz me’yorida rivojlanayotgani ma’lum bo‘lgan. Nastyaning onasi qizini suratga olishga qaror qilgan va natijani yaxshilash uchun aktyorlik mahorati bilan ishlay boshlagan. Shu tariqa vlog mashhurlikka erishgan.
6-o‘rin: Unspeakable
Kanallar tarmoqlari asoschisining asl ismi Natan Gremdir. U 18,1 million obunachiga ega. Kanallarida bloger turli chellenjlar uyushtiradi, Minecraft va Roblox o‘ynaydi va o‘z mahsulotlarini reklama qiladi. Gremning 2024-yilgi daromadi 28,5 million dollarni tashkil qilgan.
5-o‘rin: Rhett and Link
Ikki do‘st — haqiqiy ismlari Rett Maklaflin va Charlz Nil bo‘lgan kanal mualliflari yaratgan videolar tok-shou formatida chiqariladi, u yerda yigitlar muloqot qilishadi, o‘ynashadi, tajribalar o‘tkazishadi, taomlar tatib ko‘rishadi, mashhur mehmonlarni taklif qilishadi va hokazo. Hozirda kanalni 18,9 million obunachi kuzatadi, yigitlar esa 2013-yilda 30 million dollarga yaqin daromad olishgan.
4-o‘rin: Markiplier
Haqiqiy ismi Mark Edvard Fishbax bo‘lgan 35 yoshli yutuber kompyuter o‘yinlari videolari tufayli mashhur bo‘lgan. Hozirda uning 37,1 million obunachisi bor va uning eng mashhur videolari 100 milliondan ortiq marta ko‘rilgan. 2024-yilda Markiplier taxminan 38 million dollar ishlab olishga muvaffaq bo‘lgan.
3-o‘rin: Jeyk Pol
Jeyk Pol professional bokschi bo‘lib, u turli mashhur raqiblar bilan kurashib (masalan, Tayson bilan jang qilgan), o‘z kanaliga 20 milliondan ortiq obunachilarni va katta reklama imkoniyatlarini jalb qilishga muvaffaq bo‘lgan. Uning o‘tgan yilgi daromadi 45 million dollarni tashkil qilgan.
2-o‘rin: Dhar Mann
Dhar Mann professional film prodyuseri bo‘lib, uning Dhar Mann Studios kanali 23,4 million obunachiga ega. Aksariyat videolar ibratli yakunlanadigan qisqa metrajli filmlar shaklida chiqariladi. O‘rtacha hisobda videolar 20-30 million marta ko‘riladi. 2023-yilda blogerning daromadi 45 million dollarga yetgan.
1-o‘rin: MrBeast
Janob Bist (Mr. Beast) nomi bilan tanilgan YouTube blogeri Jimmi Donaldson 1998-yil 7-mayda AQShning Shimoliy Karolina shtati, Grinvil shahrida tug‘ilgan. U bolaligidan video o‘yinlar va Internetga qiziqib kelgan, bu esa uni 2012 yilda o‘zining YouTube kanalini yaratishga olib keldi. Kanalni ochganda Jimmi atigi 13 yoshda bo‘lgan.
Avvaliga Donaldson turli janrlarda va mavzularda videolar yaratishga harakat qilgan: bloger video o‘yinlar, turli mahsulotga tavsif va sharh bergan, shaxsiy hayoti haqida vloglar olgan. Hozirda Jimmi nafaqat ko‘ngilochar, balki ezgu ishlarga ilhomlantiruvchi kontent yaratishga ham e’tibor qaratmoqda. U keng ko‘lamli xayriya tadbirlarini uyushtiradi, mutlaq begona insonlarga yuz minglab dollar hadya qiladi, tibbiy operatsiyalarni moliyalashtiradi va hatto uysizlar uchun boshpanalar beradi. Janob Bist Afrikaning bir necha qashshoq yerlariga tashrif buyurib, u yerda suv olish uchun yuzta quduq qazdirgan va aholini ichimlik suvi bilan ta’minlagan.
Izoh (0)