Polsha vazirlari 2024-yil 12-mayda Marywilska 44 savdo markazida yuz bergan yong‘inda Rossiyani aybladi. Tegishli ayblov adliya vaziri Adam Bodnar va ichki ishlar vaziri Tomash Semonyak tomonidan ilgari surildi.
Vazirlarning ta’kidlashicha, savdo markazini yoqish harakatini Rossiya hududida joylashgan shaxs tashkil etgan. Jinoyatchilarning baʼzilari allaqachon hibsga olingan.
To‘plangan dalillarga asoslanib yong‘in Rossiya maxsus xizmatlarining buyurtmasi bilan uyushtirilgan o‘t qo‘yish natijasida yuz berganini aniqladik. Biz o‘t qo‘yishning tartibi va jarayoni, shuningdek, jinoyatchilar tomonidan qanday hujjatlashtirilgani haqida batafsil ma’lumotga egamiz, deyiladi bayonotda.
Yong‘in oqibatida savdo markazi butunlay yonib ketgan edi: olov 63 ming kvadrat metr maydonni qamrab olgan, 1400 ga yaqin ijarachining pavilyonlari va tovarlari kuyib ketgan. Yong‘in 5 soatdan ortiq davom etgan. Yong‘indan keyin mutaxassislar olov qisqa vaqt ichida juda katta maydonga tarqalgani, bu tasodifiy yong‘in uchun g‘ayritabiiy holat ekanini aytgan.
Izoh (0)