Pokistonning ko‘plab qismida kuchli yomg‘ir va bo‘ronlar kuzatilmoqda. Tabiiy ofat oqibatida kamida olti kishi halok bo‘lgan, yana 20 dan ortiq kishi jarohat olgan. Bu haqda Anadolu xabar berdi.
Jammu va Kashmir hududida uch kishi halok bo‘lgani va bir kishi bedarak yo‘qolgani tasdiqlangan. Taxminlarga ko‘ra, 30 dan ortiq uy vayron bo‘lgan.
Panjob viloyatida kuchli dovul oqibatida sodir bo‘lgan yo‘l-transport hodisalarida ikki kishi halok bo‘lgan, yana 15 kishi jarohatlangan. Bundan tashqari, binolar qulashi oqibatida to‘rt kishi jarohat olgan.
Xayber-Paxtunxva provinsiyasida tom qulashi oqibatida bir bola halok bo‘lgan, ikki kishi jarohatlangan. Shuningdek, bo‘ron elektr ta’minotida keng qamrovli uzilishlarga sabab bo‘lgan hamda uylar, qishloq xo‘jaligi yerlari va infratuzilmaga zarar yetkazgan.
Rasmiylar yaqin kunlarda mamlakat shimolida ko‘chkilar yuz berishi mumkinligidan ogohlantirgan.
Ma’lumot uchun, 24-may kuni Panjob viloyatida shu kabi ob-havo sharoiti oqibatida 19 kishi halok bo‘lgan, 90 dan ortiq kishi jarohatlangandi.
Izoh (0)