Xitoy Favqulodda vaziyatlar vazirligi iyul oyida tabiiy ofatlar keltirgan iqtisodiy zarar haqidagi ma’lumotlarni taqdim etdi.
Vazirlik bu zararni 76,9 milliard yuan (10,7 milliard dollar) deb baholamoqda. Bu yil boshidan beri eng yuqori oylik ko‘rsatkichdir. O‘tgan yilning iyul oyiga nisbatan mamlakatda tabiiy ofatlardan ko‘rilgan yo‘qotishlar ikki baravar ko‘paygan.
Asosiy zarar yog‘ingarchilik va suv toshqini sabab yuzaga kelgan. Umuman olganda, yil boshidan buyon tabiiy ofatlardan ko‘rilgan zarar 170 milliard yuanni tashkil etdi. Vazirlikning xabariga ko‘ra, tabiiy ofatlardan u yoki bu tarzda jabrlanganlar soni kamida 58,8 million kishiga yetgan.
Mutaxassislarning ta’kidlashicha, daryo bo‘yida aholining zich joylashgani va yozdagi kuchli yog‘ingarchiliklar sabab Xitoy iqlim o‘zgarishining salbiy oqibatlariga eng zaif hisoblanuvchi davlatlardan biri bo‘lib qolmoqda.
Izoh (0)