Toshkent viloyati Bekobod tumanida Damas “peshexod”dan o‘tayotgan piyodani bosib ketdi. Viloyat YHXB holat yuzasidan ma’lumot berdi.
Ma’lum qilinishicha, holat 10-may kuni soat taxminan 11:00 larda Toshkent viloyati Bekobod shahar, Turon ko‘chasida sodir bo‘lgan. 1999-yilda tug‘ilgan N.J. Damas’ni boshqarib ketayotgan vaqtida piyodalar o‘tish joyidan yo‘lni kesib o‘tayotgan 1992-yilda tug‘ilgan piyoda A.A.ni urib yuborgan.
Ushbu yo‘l-transport hodisasi oqibatida piyoda tan jarohati olib, Bekobod shahar markaziy shifoxonasiga yetkazilgan. Hozirda holat yuzasidan Bekobod shahar IIB tomonidan surishtiruv ishlari olib borilmoqda.
Hurmatli haydovchilar video tasvirda ko‘rib turganingizdek, haydovchi yo‘l harakati qoidalariga amal qilmasdan piyodalar o‘tish joyidan o‘tayotgan piyodani urib yuborib yo‘l-transport hodisasi sodir etmoqda. Barchangizdan ushbu tasvirlardan xulosa qilgan holda yo‘l harakati qoidalariga amal qilishingizni so‘rab qolamiz, deyiladi xabarda.
YTHlar statistikasi
O‘zbekistonda 2025-yilning dastlabki uch oyida YTH sodir etishi oqibatida 891 nafar shaxs sudlandi.
2024-yil davomida Jinoyat kodeksining 266-moddasi (transport vositalari harakati yoki ulardan foydalanish xavfsizligi qoidalarini buzish) bilan 3 321 nafar shaxs sudlangan. Ularning 917 nafariga ozodlikdan mahrum qilish jazosi, 2 404 nafariga esa ozodlikdan mahrum qilish bilan bog‘liq bo‘lmagan jazolar tayinlangan.
2025-yilning I choragi mobaynida ushbu modda bilan 891 nafar shaxs sudlanib, ularning 173 nafariga ozodlikdan mahrum qilish jazosi tayinlangan.
Shuningdek, 718 nafar fuqaroga ozodlikdan mahrum qilish bilan bog‘liq bo‘lmagan jazolar tayinlandi.
Aprel oyidagi YTHlar
- Samarqandda avtobus va yuk mashinasi ishtirokida YTH sodir bo‘ldi.
- Farg‘onadagi avtohalokatda Damas ikkiga bo‘linib ketdi (video).
- Namanganda ijaraga mashina olgan maktab o‘quvchilari avariyaga uchradi.
- Toshkentda L7 urib yuborgan Cobalt ariqqa tushib ketdi (video)
- Toshkentda Hyundai bilan to‘qnashgan motosikl haydovchisi halok bo‘ldi (video)
- Jizzaxda Tracker yuqori tezlikda kelib, do‘konga urildi (video)
Izoh (0)