Samarqand shahrida 29-may kuni Italiya bosh vaziri Jorja Melonini rasmiy kutib olish marosimi bo‘lib o‘tdi, deb xabar bermoqda Prezident matbuot xizmati.
-BJzg5You.avif)
Ma’lum qilinishicha, Kongress markazi oldidagi maydonda faxriy qorovul saf tortdi. Shavkat Mirziyoyev oliy martabali mehmonni samimiy qarshi olib, shohsupaga taklif etdi. Harbiy orkestr ikki davlat madhiyalarini ijro etdi. Yetakchilar faxriy qorovul safi oldidan o‘tib, rasmiy delegatsiyalar a’zolarini qutladi.
-NSfHz0Rk.avif)
-7NinTCeE.avif)
-_ZTMEC8f.avif)
-_1-XYHFS.avif)
-aAT-0Cc8.avif)
Shundan so‘ng oliy darajadagi muzokaralar boshlandi.
Italiya bosh vazirinining Samarqandga tashrifi
Italiya bosh vaziri Jorja Meloni Shavkat Mirziyoyev taklifiga binoan 28-may kuni rasmiy tashrif bilan O‘zbekistonga keldi. Samarqand xalqaro aeroportida bosh vazirni O‘zbekiston yetakchisi kutib oldi. So‘ng davlat rahbarlari Samarqand shahridagi Registon maydonida, Silk Road Samarkand xalqaro turizm markazidagi “Boqiy shahar” tarixiy-etnografik bog‘ida bo‘ldi. Raqs jamoalarining chiqishlaridan iborat madaniy dastur namoyish etildi.
Samarqand shahrida bo‘lib o‘tadigan oliy darajadagi muzokaralarda O‘zbekiston—Italiya strategik sheriklik munosabatlarini yanada mustahkamlash va ko‘p qirrali hamkorlikni kengaytirish masalalari ko‘rib chiqiladi. Innovasion hamkorlik va gumanitar almashinuv loyihalarini ilgari surish diqqat markazida bo‘ladi. Yakunda ikki tomonlama bitimlar to‘plamini imzolash ko‘zda tutilgan.
Izoh (0)