AQSHning Yuta shtatida chaqmoq urishi oqibatida yetti nafar bola kasalxonaga yotqizildi. CNN telekanali xabar berishicha, baxtsiz hodisa 50 ga yaqin bola ketayotgan vaqtda yuz bergan. Momaqaldiroq gumburlab, bolalar ketayotgan joyga chaqmoq kelib urilgan.
Yetti nafar bolada sog‘liq bilan bog‘liq muammolar paydo bo‘ldi. Ulardan ikki nafari yuqori elektr kuchlanishidan jiddiy jarohat oldi.
Jabrlanganlar kasalxonaga yotqizilgan. Ularning hayoti xavf ostida emasligi xabar qilinmoqda.
3-iyun kuni Chexiyaning Liberets shahrida Bolalar kunini nishonlash chog‘ida odamlar yomg‘irdan yashiringan daraxtga yashin urgan va ko‘plab kattalar hamda bolalar jarohat olib, kasalxonaga yotqizilgandi.
Jabrlanganlarning ko‘pchiligi yurak ritmining buzilishi, kuyishlar va oyoq-qo‘llarining harakatchanligining vaqtinchalik buzilishi bilan bog‘liq nevrologik jarohatlarga duchor bo‘lgan.
Izoh (0)