Prezident tomonidan “Ijrochilar, fonogramma tayyorlovchilar va eshittirish tashkilotlari huquqlarini muhofaza qilish to‘g‘risidagi xalqaro konvensiyaga O‘zbekistonning qo‘shilishi haqida”gi qonun imzolandi.
Konvensiya ijrochilar, fonogramma tayyorlovchilar va eshittirish tashkilotlarining turdosh huquqlarini ahdlashayotgan davlatlarda ularga o‘z huquqlarini himoya qilishning milliy rejimini taqdim etish yo‘li bilan himoya qilishga qaratilgan.
Qonunda quyidagi shartlar mavjudligi qayd etilgan:
- O‘zbekiston faqat eshittirish tashkilotining shtab-kvartirasi boshqa ahdlashuvchi davlatda joylashgan bo‘lsa va uzatish xuddi shu davlatda joylashgan uzatuvchi yordamida amalga oshirilgan taqdirda efirga uzatishni taʼminlaydi;
- O‘zbekiston tayyorlovchisi boshqa ahdlashuvchi davlatning fuqarosi yoki yuridik shaxsi hisoblanmaydigan fonogrammalarga nisbatan 12-moddani qo‘llamaydi.
Konvensiyaga qo‘shilish intellektual mulk huquqlarini himoya qilishning ilg‘or xalqaro standartlarini joriy etishga, shuningdek, O‘zbekiston obro‘sining oshishiga ko‘maklashadi.
Hujjat Qonun hujjatlari maʼlumotlari milliy bazasida davlat tilida eʼlon qilingan va 2024-yil 6-iyundan kuchga kirdi.
Avvalroq Kinematografiya agentligi direktori Firdavs Abduxoliqov boshqa ishga o‘tgani sabab egallab turgan lavozimidan ozod etilgani to‘g‘risida xabar berilgandi. 2017-yildan buyon agentlik direktori o‘rinbosari lavozimida faoliyat yuritib kelayotgan Shuhrat Rizayev Kinematografiya agentligiga rahbar etib tayinlangan.
Izoh (0)