Судьялар олий кенгашининг навбатдаги йиғилишида Сергели туман суди судьясининг судьялик ваколатлари тўхтатилди. Бу ҳақда кенгаш матбуот хизмати хабар берди.
Қайд этилишича, йиғилиш доирасида бош прокурорнинг Тошкент шаҳар жиноят ишлари бўйича Сергели туман суди судьяси Ш.А.ни Жиноят кодексининг 168- (фирибгарлик), 28/211-моддаларининг (пора бериш) тегишли қисми билан жиноий жавобгарликка тортишга оид тақдимномаси муҳокама қилинган.
Якунда кенгаш хулосаси билан Ш.А.ни жиноий жавобгарликка тортишга розилик билдирилган ва унинг судьялик ваколати тўхтатилган.
Тергов сири ва айбсизлик презумпсияси талабларидан келиб чиқиб, бошқа тафсилотлар ошкор қилинмайди, — дейилади хабарда.
Бир неча кун олдин Чироқчи тумани судьяси жиноий жавобгарликка тортилиши тўғрисида хабар берилганди. У Жиноят кодексининг 210-моддаси (пора олиш) тегишли қисми билан жиноий жавобгарликка тортилган.
Изоҳ (0)