Тошкент шаҳрида уч фарзанднинг онаси бўлган аёл поезд уриб кетиши оқибатида вафот этди. Бу ҳақда “Миллар”да хабар берилди.
Маълум қилинишича, 23 август куни соат 02:00 ларда Салар—Нурҳаёт темирйўл бекатлари оралиғида поезд уриб кетган ҳолати аниқланган. Воқеа жойига тез ёрдам ва ички ишлар ходимлари етиб келган, 1988 йилда туғилган аёл кишига биринчи ёрдам кўрсатилиб, шифохонага олиб кетилган.
Аёл шифохонада жарроҳлик амалиётига олинган. У бир неча кун давомида даволанишига қарамай вафот этган. Унинг уч нафар фарзанди бўлган.
Май ойининг бошларида Андижон вилоятида поезд 8 ёшли қизалоқни уриб юборгани тўғрисида хабар берилганди. Ундан олдин эса Тошкент вилоятида 31 ёшли эркак поезд уриб кетишидан ҳалок бўлган эди.
Изоҳ (0)