Жиззах вилоятида 13 нафар аёлни олиб кетаётган Damas ҳайдовчисига чора кўрилди. Бу ҳақда вилоят ЙҲХБ хабар берди.
Маълум қилинишича, ҳолат 22 сентябрь куни соат 18:00 лар атрофида Жиззах вилояти ИИБ ЖХХ ЙҲХБ ЙПХ инспектори томонидан Жиззах вилоятининг Бахмал тумани ҳудудидан ўтувчи 4Р-41 автомобиль йўлида кузатилган.
Damas тўхтатиб текширилганда ҳайдовчи йўл ҳаракати қоидаларининг 159-бандини бузган ҳолда 13 нафар йўловчи аёл, ўзи билан ҳисоблаганда 14 нафар шахс ҳаракатланиб кетаётгани аниқланган. Ҳайдовчига нисбатан Маъмурий жавобгарлик тўғрисидаги кодекснинг 128-моддасига асоссан баённома расмийлаштирилган.
Бундан олдин Қашқадарёда ҳайдовчи Damas’да 19 нафар йўловчи билан кетаётгани, Самарқандда эса 18 нафар йўловчи Damas салонида кетаётгани тўғрисида хабар берилганди.
Шуниндек, Сурхондарё вилоятида машина салонига 13 кишини миндириб ҳаракатланган Damas ҳайдовчисига чора кўрилганди.
Изоҳ (0)