Surxondaryo viloyatida mashina saloniga 13 kishini mindirib harakatlangan Damas haydovchisiga chora ko‘rildi, deb xabar beradi O‘zA.
Qayd etilishicha, Jarqo‘rg‘on tumanida Surxondaryo viloyati IIB JXX Yo‘l harakati xavfsizligi boshqarmasi xodimlari Damas avtomashinasida o‘rindiqlar sonidan ortiqcha odam tashigan haydovchini nazorat tartibida to‘xtatib, tekshirgan. Natijada avtoulovda haydovchi bilan 14 kishi ketayotgani maʼlum bo‘lgan.
IIB JXX Yo‘l harakati xavfsizligi boshqarmasi axborot xizmatiga ko‘ra, 13 yo‘lovchi ketayotgan Damas boshqaruvchisining haydovchilik guvohnomasi ham bo‘lmagan.
Qoidabuzar haydovchiga nisbatan tegishli hujjat rasmiylashtirilib, amaldagi qonunchilik doirasida chora ko‘rilgan.
Bundan oldin, Qashqadaryoda haydovchi Damas’da 19 nafar yo‘lovchi bilan ketayotgani, Samarqandda esa 18 nafar yo‘lovchi Damas salonida ketayotgani to‘g‘risida xabar berilgandi.
Izoh (0)