Президент ёрдамчиси Саида Мирзиёева Европа иттифоқининг Ўзбекистондаги элчиси Тойво Клаар билан учрашди.
Мулоқот давомида апрель ойида Самарқандда бўлиб ўтадиган “Европа иттифоқи – Марказий Осиё” саммитига кўрилаётган икки томонлама тайёргарлик масалалари муҳокама қилинди.
Тойво Клаар аёлларнинг ҳуқуқий ҳимояси ва иқтисодий имкониятларини кенгайтиришга қаратилган саъй-ҳаракатларни қатъий қўллаб-қувватлашини билдирди.
Шунингдек, у Ўзбекистон ўзининг бой тарихини асраб-авайлашини эътироф этиб, бу доимо ғурур ва миллий ўзликни мустаҳкамлашга хизмат қилиши кераклигини таъкидлади.
Изоҳ (0)