Абу-Даби шаҳрида Ўзбекистон ва БАА президентлари ўртасида бўлиб ўтган музокаралар якунида Стратегик шериклик ўрнатиш тўғрисида декларация имзоланди. Бу ҳақда Президент матбуот хизмати хабар берди.
Шунингдек, қуйидаги ҳужжатлар имзоланди:
- Инвестисияларни ўзаро рағбатлантириш ва ҳимоя қилиш тўғрисида ҳукуматлараро битим;
- Молиявий-техник ҳамкорлик тўғрисида ҳукуматлараро битим;
- Стандартлаштириш, метрология ва мувофиқликни баҳолаш соҳасидаги ҳамкорлик тўғрисида битим;
- инвестисиялар, саноат ва илғор технологиялар, адлия, қишлоқ хўжалиги ва озиқ-овқат хавфсизлиги, фойдали қазилмалар соҳаларида ҳамкорлик қилиш тўғрисида идоралараро битимлар;
- Маданият соҳасидаги ҳамкорлик тўғрисида баённома, Дипломатик академиялар ўртасидаги ҳамкорлик тўғрисида битим ва бошқалар.
Аввалроқ Шавкат Мирзиёев ва Шайх Муҳаммад Ол Наҳаён тор доирада ҳамда расмий делегациялар аъзолари иштирокида музокара ўтказгани ҳақида хабар берилганди.
Давлат раҳбарлари Ўзбекистон—БАА дўстлик ва кўп қиррали ҳамкорлик муносабатларини, шу жумладан, сиёсат, савдо-иқтисодиёт, инвестиция, инновация, маданий-гуманитар ва бошқа устувор соҳаларда янада ривожлантиришнинг муҳим масалаларини муҳокама қилди.
Изоҳ (0)