Одри Баккеберг, 2 нафар боланинг онаси, 1962 йил июль ойида АҚШнинг Ридсбург шаҳридан ғойиб бўлганидан сўнг 60 йил ўтиб топилди. Ўшанда у 20 ёшда бўлган. Бу ҳақда National Public Radio хабар берди.
Оила энагасининг айтишича, Одри ва у автомобилда Медисонга борган, сўнгра автобусда Индианаполисга йўл олган. У охирги марта аёлни автобус бекати яқинида кўрган. Шундан сўнг Одри уйга қайтиб келмаган ва бедарак йўқолган.
2025 йил май ойида Одри тирик ва соғ-саломат экани, ҳозирда Висконсин штатидан ташқарида яшаётгани аниқланган. Кейинги суриштирувларда эса аёл ўз хоҳиши билан ғойиб бўлгани маълум қилинган. Одри унинг манзилини ошкор қилмасликни сўраган.
Изқувар Исаак Ҳансон йўқолган шахснинг синглиси Ancestry.com сайтида аккаунтга эга эканини аниқлаб, янги маълумотлар, жумладан, бир манзилни топишга муваффақ бўлади. Кейинчалик айнан шу манзилда Одри яшаётгани аниқланади.
“Одри билан гаплашганимда унинг бахтиёрлигига гувоҳ бўлдим, қароридан афсусланаётгани йўқ эди. Айтишича, аёл оиласидан атайлаб кетган”, деди изқувар.
Таъкидланиша, Одрининг эри бир жуфт қуролни ўқлаб, рафиқасини ўлдириш билан таҳдид қилган. Бу вақт орасида Баккебергнинг оиласи унинг аллақачон ўлдирилганига ишониб, жасади топилишига умид қилган.
Изоҳ (0)