Андижон вилоятида 29 ёшли аёл бедарак йўқолди. Бу ҳақда вилоят ИИБ хабар берди.
Маълум қилинишича, Избоскан тумани, “Юқори ҳосил” маҳалласи Нуризамин кўчасида яшаган, 1995 йилда туғилган Инобиддинова Муҳайё қидирилмоқда. У 21 апрель куни уйидан номаълум томонга чиқиб кетиб, қайтиб келмаган.
Унинг белгилари: бўйи 160-165 см атрофида, юзи узунчоқ, озғин, буғдойранг, қошлари қора, кўзлари кўкимтир рангда, бурни ва лаблари ўртача катталикда, жағ қисмидан рўмол ўраб юради.
“Сизлардан илтимос, қизим уйдан чиқиб кетиб йўқолди. Изламаган жойимиз қолмади. Илтимос, кўрган-билганлар ёрдам беринглар. Қизим Муҳайёхон, жон болам, қайт. Болларингни бағрингга ол, жон болам. Сени жуда соғиндик”, — дея мурожаат қилган онаси.
Изоҳ (0)