Франция пойтахти Париж шаҳрида 2024 йилги Паралимпия ўйинларида қатнашган Конго терма жамоаси икки вакилининг ғойиб бўлгани бўйича тергов бошланди.
![](/static/2024/09/11/UVAYPMKX2VGYHLH2OAFQ4KDTR4-W_5i2dmI.jpg)
Гап найза улоқтирувчи Мирей Нганга, спринтер Грэйс Муамбака, шунингдек, унинг йўлбошчиси ҳақида кетмоқда. Конго делегацияси раҳбарининг сўзларига кўра, спортчилар Паралимпия қишлоғида охирги марта 5 сентябрь куни кўриниш берган. Шундан сўнг спортчилар алоқага чиқмаган.
Паралимпия ўйинлари 8 сентябрь куни якунига етди.
Эслатиб ўтамиз, Нганга Паралимпия ўйинлари очилишида миллий терма жамоа байроқдори бўлган эди. Спортчининг ҳаракати чекланган ва у ногиронлар аравачасидан фойдаланади. Муамбакда кўриш билан боғлиқ муаммо бор.
Айни дамда прокуратура паралимпиячиларнинг ғойиб бўлганини текширмоқда. Турли версиялар кўриб чиқилмоқда, жумладан, расмийлар спортчиларнинг қочиши аввалдан режалаштириганини истисно қилмаяпти.
Изоҳ (0)