Ижтимоий тармоқларда қиз ҳаракатдаги автомашина эшигини очиб сакрагани акс этган видео тарқалиб турли муҳокамаларга сабаб бўлмоқда. Мазкур ҳолат юзасидан пойтахт ИИББ муносабат билдирди.
Унга кўра, ҳолат 7 июль куни тахминан соат 11:00 ларда Мирзо Улуғбек тумани, Мустақиллик кўчасида содир бўлган. 2001 йилда туғилган Х.А. Nexia’ни бошқариб кетаётиб, олдиндан таниши бўлган 2006 йилда туғилган Б.Ж. билан ўзаро келишмовчилик оқибатида тортишиб қолган.
Сўнг фуқаро Б.Ж. ҳаракатланиб кетаётган автомашина эшигини очиб, йўл қатнов қисмига сакраган. Шу ҳудудда хизмат олиб бораётган туман ИИО ФМБ ходимлари зудлик билан фуқарога биринчи тиббий ёрдам кўрсатиб, шифохонага олиб борган.
Бирламчи тиббий маълумотга кўра, фуқарога “пешона ва чап чап ёноқ соҳаси юмшоқ тўқималари лат ейиши ҳамда тери ости гематомаси” ташхиси қўйилган. Ҳозирда мазкур ҳолат юзасидан терговга қадар текширув ўтказилмоқда. Текширув якуни бўйича қонуний қарор қабул қилиниши таъминланади.
Тошкентда фуқаро ҳаракатланаётган машина ойнасидан мушукни улоқтиргани ҳақида хабар берилганди. Шунингдек, Наманганда Onix люкидан танасини чиқариб ҳаракатланган қиз узр сўраган эди.
Изоҳ (0)