Чикаголик 104 ёшли Дороти Хоффнер вафот этди. Яқинда аёл парашютда сакраганди — бу амалиёт Гиннеснинг рекордлар китобига кириши мумкин.
Дороти Хоффнер 2023 йил 1-октябрда тажрибали парашютчи Дерек Бахтер билан тандем сакрашини амалга оширган.
Аёлга ғамхўрлик қилиб келган тиббиёт ходими Жо Конантнинг айтишича, 9-октябр куни қариялар уйи ходимлари аёлни ўлик ҳолда топган. Дороти Хоффнер уйқусида вафот этган.
Конанат Хоффнер жуда ҳаракатчан аёл бўлганини айтди.
“У ҳеч чарчамасди. У тушдан кейин ухлайдиган ёки бирорта тадбирни ўтказиб юборадиган одам эмасди. Ҳар доим нима биландир банд эди”, — деди Конант.
1-октябр куни Хоффнер 4100 метр баландликда парашют билан самолётдан сакради. Ҳозир Жо Конант янги рекордни рўйхатдан ўтказиш учун ҳужжатларни тайёрламоқда. Биринчи сафар аёл 100 ёшида парашютдан сакраган.
Амалдаги рекорд швециялик 103 ёшли Линнеа Ингегард Ларссонга тегишли.
Skydive Chicago ва АҚШ парашютчилар уюшмаси Дороти Хоффнер хотирасига ҳурмат бажо келтирди.
“Биз Доротининг вафотидан чуқур қайғудамиз ва унинг парашютдан сакраш бўйича жаҳон рекордини ўрнатишда иштирок этганимиздан фахрланамиз”
Дороти Хоффнер 40 йилдан ортиқ Иллинойс Белл телефон компаниясида оператор бўлиб ишлаган ва 43 йил олдин нафақага чиққан. У оила қурмаган, яқин қариндошлари ҳам йўқ.
Изоҳ (0)