Фарғона вилояти ЙҲХБ бошлиғи Акмал Аҳмедов лавозимидан озод этилди. Бу ҳақда ЙҲХХ матбуот хизмати хабар берди.
Маълум қилинишича, подполковник Акмал Аҳмедов яқин қариндошига тегишли бўлган Malibu-2 русумли автомашинасида содир этилган қоидабузарликларни қонунга зид равишда яширишга урингани фош этилганидан сўнг эгаллаб турган лавозимидан озод этилди.
“Ҳозирда мазкур қонунбузарликка тўлиқ ҳуқуқий баҳо бериш учун қўшимча суриштирув ҳаракатлари олиб борилмоқда”, дейилади ЙҲХХ матбуот хизмати хабарида.
Ижтимоий тармоқларда Malibu автомобили 106 марта “охирги зарурат ҳолатида қоида бузган” деб топилган ва барча жарималар бекор қилингани ҳақида хабарлар тарқалиб, кенг жамоатчилик муҳокамасига сабаб бўлганди.
Фарғона вилояти ИИБ ҳолат юзасидан хизмат текшируви ўтказилиб, Йўл ҳаракати хавфсизлиги хизмати бошқармасининг беш нафар ходимига нисбатан интизоми жазо тайинланганини, шунингдек, Malibu-2 автотранспорт воситасида содир этилган барча қоидабузарликлар бўйича жарималар белгиланган тартибда ундирилганини маълум қилганди.
Изоҳ (0)