Олимлар Антарктиданинг музликлари остида физика қонунларига зид аномал сигналларни аниқлади. Бу ҳақда CNN хабар берди.
Ғайриоддий радиотўлқинлар нейтрино деб номланувчи юқори энергияли космик зарраларни излаш пайтида аниқланган. Космосдан Ерга етиб келган нейтринолар кўпинча “арвоҳ” деб аталади. Чунки улар жуда ўзгарувчан ва буғли бўлиб, ҳар қандай материядан ўзгаришсиз ўта олади.
Сўнгги 10 йил ичида тадқиқотчилар нейтриноларни излаш учун сув ва муз майдонларидан фойдаланган ҳолда кўплаб тажрибалар ўтказган. Ушбу лойиҳалардан бири НАСАнинг ANITA тажрибаси бўлиб, у 2006—2016 йиллар оралиғида Антарктида устида асбоблар ортилган шарларни учирган. Айнан шу пайтда нейтринога ўхшамайдиган аномал радиотўлқинлар аниқланган.
Сигналлар уфқ остидан келиб, детекторга етиб боргунча минглаб мил тошлар орасидан ўтган. Лекин радиотўлқинларни тоғ жинслари қайтариши керак эди. ANITA жамоаси бу аномал сигналлар физика қонунларига тўғри келмаслигини айтмоқда.
Яқинда Аргентинадаги Pyer Oje расадхонаси томонидан ўтказилган таҳлилларда бундай сигналлар топилмаган. Pyer Oje’нинг натижалари март ойида Physical Review Letters журналида чоп этилган.
Пенсилвания давлат университетининг физика, астрономия ва астрофизика кафедраси доценти Стефани Виссел аномал сигналларнинг келиб чиқиши номаълумлигича қолаётганини таъкидлаган.
“Бундай сигналлар Pyer Oje расадхонаси тажрибасида илгари кузатилмаган. Демак, бу янги физика қонуни борлигидан далолат бермайди, балки янада кўпроқ маълумот ўрганишимиз лозимлигини англатади”, деди Виссел.
Олимлар янада катта ва сезгирроқ детекторлар ушбу сирни очиши мумкинлигини қўшимча қилган. Ерда нейтриноларни аниқлаш тадқиқотчиларга уларнинг манбалари ҳақида ўрганишга ёрдам беради. У асосан сайёрамиз атмосферасига тушадиган космик нурлар ҳисобланади.
Коинотдаги космик нурлар асосан протонлар ёки атом ядроларидан ташкил топган ва улар коинот бўйлаб кенг тарқалган. Уларни ишлаб чиқарадиган манба шу қадар кучлики, у Катта Адрон Коллайдерининг (дунёдаги энг катта ва қувватли заррача тезлаткичи) имкониятларини енгиб ўтишга қодир.
Нейтрино астрономларга космик нурларни ва уларни коинот бўйлаб нима тарқатаётганини яхшироқ тушунишга ёрдам беради. Аммо нейтриноларни топиш қийин, чунки уларнинг массаси деярли бўлмайди.
Изоҳ (0)