UFCн’инг енгил вазн тоифасидаги собиқ чемпиони, 36 ёшли америкалик спортчи Жастин Гетжи амалдаги чемпион Илия Топурия билан жанг қилиш ниятида эканлигини билдирди. Championat нашри хабарига кўра, Гетжи бу баҳсни ноябрь ойида Нью-Йоркдаги “Madison Square Garden” аренасида ўтказиладиган анъанавий UFC турнирида амалга оширишни истамоқда.
Ҳозирда Топурия — катта юлдуз. Аммо у ўзига ҳаддан ортиқ ишонмоқда. Мен уни ноябрда, “Madison Square Garden”даги турнирда нокаут қилишдан мамнун бўлардим, — дея Гетжининг сўзларини келтиради Спорцкееда нашри.
Эслатиб ўтамиз, Жастин Гетжи охирги жангини UFC 313 турнирида ўтказган ва унда озарбайжонлик Рафаeл Физиeв устидан ҳакамларнинг бир овоздан чиқарган қарори билан ғалаба қозонган эди.
Илия Топурия эса профессионал MMA’даги фаолиятида ҳали мағлубият нималигини билмайди ва ҳозирда енгил вазн тоифасида UFC чемпионлик камарига эга. Агар Гетжи–Топурия жанги расман эълон қилинса, у UFC’да йил якунидаги энг кутилган қарама-қаршиликларидан бирига айланиши мумкин.
Изоҳ (0)