UFC 300-рақамли турниридан сўнг энг яхши жангчилар рейтингини янгилади.
Промоушеннинг собиқ чемпиони Макс Ҳоллоуэй вазн тоифасидан қатъи назар тузилган рейтингда 6 та поғона юқорилади ва ҳозирда 8-ўринни эгаллаб турибди.
UFC 300 турнирида Ҳоллоуэйга нокаутга учраган Жастин Гетжи дивизионнинг 3-поғонасига тушди. Иккинчи ўринда эса Арман Сарукянга очколари ҳисобига мағлуб бўлган Чарльз Оливейра жой олган.
Александр Ракич устидан қозонилган ғалабадан сўнг Иржи Прохазка ярим оғир вазн тоифасидаги рейтингда биринчи ўринга кўтарилиб олди. Алекс Перейрага ютқазиб қўйган Жамал Ҳилл рейтингда учинчи ўринни эгаллади.
Алжамейн Стерлинг эса ярим енгил вазн дивизионида дебют қилди ва рейтингда 8-ўринни эгаллаб турибди.
Изоҳ (0)