“Манчестер Сити” клуби Германиянинг машҳур спорт бренди Puma билан ҳамкорликни узайтирганини эълон қилди. Бу ҳақда “шаҳарликлар” матбуот хизмати расман хабар берди.
Янги келишувга кўра, Puma “Манчестер Сити”нинг техник ҳомийси сифатида фаолият юритишда давом этади ва бу шартнома 2034/35 йилги мавсумгача амал қилади. Битим клубга ҳар йили 100 миллион евро даромад келтиради — бу Англия футболи тарихидаги энг йирик техник ҳамкорлик шартномаси ҳисобланади.
Эслатиб ўтамиз, “Сити” ва Puma ўртасидаги ҳамкорлик 2019/20 йилги мавсумда бошланган эди. Ўтган йиллар давомида немис бренди нафақат асосий жамоа учун, балки клуб академияси ва аёллар жамоаси учун ҳам спорт либосларини таъминлаб келмоқда.
2024/2025 йилги Англия Премер Лигаси мавсумида Хосеп Гвардиола бошчилигидаги “Манчестер Сити” учинчи ўринни эгаллаб, бронза медалларига эга чиқди. Шунингдек, “шаҳарликлар” Чемпионлар Лигаси плей офф босқичида “Реал”га мағлуб бўлиб, турнир билан хайрлашди. Англия Кубоги финалида эса “Кристал Пэлас” “Сити” устидан 1:0 ҳисобида ғалаба қозониб, бош совринга эга чиқди.
Изоҳ (0)