Оғир вазн тоифасида собиқ мутлақ жаҳон чемпиони, афсонавий америкалик боксчи Майк Тайсон Қозоғистонда жанг ўтказиши мумкин. Бу ҳақда Kazinform хабар берди.
Ташкилотчилар “Темир Майк”нинг рақиби сифатида Қозоғистонга аралаш жанг санъати (MMA) афсонаси Фёдор Емеляненкони таклиф қилишни режалаштирмоқда.
Режамизда Майк Тайсон ва Фёдор Емеляненко ўртасидаги жангни ташкил этиш бор. Бу борада ишлар бошланган. Тайсонни таклиф қилмоқчи бўлган турниримиз декабрь ойига режалаштирилган, деди Алаш Приде лигаси президенти Алимжон Бектаев.
Маълумот учун, Алаш Приде лигаси — Марказий Осиёдаги энг йирик MMA (аралаш жанг санъати) лигаларидан бири бўлиб, 2018 йилда ташкил этилган.
Эслатиб ўтамиз, Майк Тайсон профессионал фаолияти давомида 50 ғалаба (шундан 44 таси нокаут билан) ва 7 мағлубият қайд этган. Ўтган йили у собиқ мутлақ жаҳон чемпиони сифатида Жейк Полга қарши рингга чиқиб, ҳакамларнинг якдил қарори билан имкониятни бой берган эди.
Изоҳ (0)