Lucid Air Grand Touring битта зарядда 1 205 километр масофани босиб ўтиб, Гиннеснинг рекордлар китобига кирди. Бундай масофа электромобилни битта қувватлантиришда босиб ўтилди ва бу билан ишлаб чиқарувчи “электромобилнинг қувватсиз қолиши” тушунчаси тарихда қолганини исботлади.
Рекорд Швейцариянинг Санкт Мориц ва Германиянинг Мюнхен шаҳарлари ўртасидаги йўналишда ўрнатилган. Сафар Алп серпантинлари, автомагистраллар ва иккинчи даражали йўллар орқали ўтди, бу эса ютуққа салмоқ қўшади. Луcидънинг аввалги рекорди 160 кмга ошиб кетди.
Lucid Air Grand Touring’нинг Европа версияси 820 от кучи ва 1200 Нм айланиш моментини берадиган икки двигателли тўлиқ узатма тизимига эга. Автомобиль 100 км/соат тезликка 3,2 сонияда эришади, унинг максимал тезлиги эса 270 км/соатни ташкил қилади. Таъминот учун 117 кВт/соат қувватга эга батарея масъул бўлиб, у WLTP бўйича 960 км гача расмий йўл захирасини таъминлайди. Бироқ рекорд доирасида автомобиль сертификатланган кўрсаткичдан 245 км кўпроқ масофани босиб ўтди.
Изоҳ (0)