Netflix 2025 йилнинг январидан июнь ойигача бўлган давр мобайнида платформадаги энг оммабоп оригинал сериал ва фильмлар рўйхатини эълон қилди. Тўлиқ метражли фильмлар орасида энг кўп томоша қилинган лойиҳа актриса Кемерон Диас бош ролни ижро этган комедик жангари — “Қайтиш” (“Back in action”) бўлди.
Шунингдек, рейтингга ҳаётий муаммолар гирдобида қолган ёлғиз она ҳақида ҳикоя қилувчи “Сўнгги томчи” (“Straw”), Том Харди иштирокидаги триллерни жанрига мансуб “Ҳалокат” (“Havos”) ҳамда илмий-фантастик жангари фильм “Электр штат” (“Тhе Electric State”) киритилди. Эътиборга молик жиҳатлардан бири шуки, платформадаги умумий томошаларнинг учдан бир қисми инглиз тилида бўлмаган фильмларга тўғри келган.
Netflix’да энг кўп томоша қилинган 10 та фильм:
“Қайтиш” (Back in Action, 2024) — 164,7 млн марта
“Сўнгги томчи” (Straw, 2025) — 102,9 млн
“Орзулар рўйхати” (Тhе Life List, 2025) — 95,5 млн
“Ҳуқуқий доирадан ташқарида” (Exterritorial, 2025) — 87,5 млн
“Ҳалокат” (Havos, 2025) — 86,9 млн
“Уй ҳайвонларининг махфий ҳаёти 2” (The Secret Life of Pets 2, 2019) — 74,5 млн
“Электр штат” (Тhе Electric State, 2025) — 74,2 млн
“Қарши ҳужум” (Contraataque, 2024) — 71,3 млн
“Ҳаёт учун” (Аd Vitam, 2025) — 69,8 млн
“Яхши бўлиш осонми 4” (Despicablе Ме 4, 2024) — 69,8 млн
Сериаллар рейтингининг илк уч ўрнини “Ўсмирлик даври” мини-сериали ҳамда “Калмар ўйини”нинг 2- ва 3-фасллари эгаллади.
Кутилмаган ҳитлар қаторида эса Роберт Де Ниро ижро этган сиёсий триллер “Киберҳужум” (“Zero Day”) ҳамда бир шахснинг бедарак йўқолиш ҳақида ҳикоя қилувчи сериал — “Сени соғиндим” (“Miss You”) ажралиб туради.
Барча томошаларнинг деярли ярми 2023 йил ёки ундан олдинги йилларда чиқарилган лойиҳаларга тўғри келган. Булар қаторига “Оловранг — мавсум ҳити” (“Orange is the Nеw Black”), “Озарк” ва “Қоғоз уй” (“La Casa de Papel”) киради.
2025 йилнинг биринчи ярмида энг кўп кўрилган 10 та сериал:
“Ўсмирлик даври” (мини-сериал) — 144,8 млн
“Калмар ўйини” (2-фасл) — 117,3 млн
“Калмар ўйини” (3-фасл) — 71,5 млн
“Кибер ҳужум” (мини-сериал) — 61,3 млн
“Сени соғиндим” (мини-сериал) — 58 млн
“Америкача қотиллик: Габби Петито” (1-фасл) — 56,1 млн
“Мисс Рейчел” (1-фасл) — 53,4 млн
“Сиреналар” (мини-сериал) — 53,3 млн
“Тунги агент” (2-фасл) — 53,2 млн
“Женни ва Жоржия” (3-фасл) — 48,1 млн
Изоҳ (0)