Наманган вилояти Уйчи-Чортоқ темирйўл бекатлари оралиғининг 118-километри 1-тўсиғидаги қўриқланмайдиган темирйўл кесишмасида 9 ноябрь куни соат 10:20 ларда автоҳалокат содир бўлди. Бу ҳақда Наманган вилояти ИИБ Йўл ҳаракати хавфсизлиги бошқармаси ахборот хизмати хабар берди.
Маълум қилинишича, 1961 йилда туғилган ҳайдовчи Damas автомашинасини бошқариб бораётиб, кесишмадаги тўхташ белгисига амал қилмай ҳаракатланишда давом этган.
Оқибатда автомашина темирйўлда ҳаракатланиб келаётган тепловознинг юк вагонига бориб урилган.
Ҳодиса оқибатида ҳайдовчи оғир тан жароҳати билан воқеа жойида вафот этган.
“Ўзбекистон темир йўллари” АЖнинг хабарига кўра, тепловоз машинисти тезкорлик билан шошилинч тормозни босган, аммо тўқнашувнинг олдини олишни иложи бўлмаган.
Изоҳ (0)