Грознийда Аҳмад Қодиров номидаги махсус полиция полкининг казарма бинолари дрон ҳужумига учради. Бу ҳақда Чеченистон раҳбари Рамзан Қодиров маълум қилди.
Унинг сўзларига кўра, дрон 00:55 да уриб туширилган. Тўрт нафар қоровул енгил жароҳат олган, шахсий таркиб бу пайтда ҳимояланган биноларда бўлган.
Ҳавода портлаган учувчисиз учиш аппарати том қисмига зарар етказди ва ойналарни синдирди. Ерга тушган парчалар кичик ёнғин чиқишига сабаб бўлди, бироқ у тезда ўчирилди, деди Қодиров.
Чеченистон раҳбари ҳужумда Украинани айблади ва фронтда жавоб бериш билан таҳдид қилди. Унинг сўзларига кўра, Чеченистондан 84 минг кўнгилли ва жангчиларидан иборат захира биринчи буйруқ билан олдинга чиқишга тайёр.
Чеченистонга илк дрон ҳужуми
Рамзан Қодиров илк бор 29 октябрь куни республикадаги Россия махсус кучлари университети дрон ҳужумига учраганини маълум қилди. Ўшанда университети ҳудудидаги бўш бинонинг томи ёниб кетган. Қурбонлар ва жабрланганлар йўқ. Ёнғин эса ўчирилган.
Россия махсус кучлари университети жанговар зоналарга юбориш учун ҳарбийларни ҳам тайёрлайди. Оммавий ахборот воситалари уни Россиядаги энг йирик ёллаш марказларидан бири сифатида тилга олади.
Изоҳ (0)