Таэквондо бўйича икки карра Олимпия чемпиони, ўзбекистонлик таэквондочи Улуғбек Рашитов антидопинг қоидаларини бузганликда айбдор деб топилди. Бу ҳақда Халқаро допингтаҳлил агентлиги (ITA) расмий баёнот берди.
Агентлик маълумотига кўра, спортчи сўнгги 12 ой ичида уч марта ўзининг жойлашуви ҳақида нотўғри маълумот берган. Бу ҳаракат антидопинг қоидаларига кўра, синовдан бош тортиш билан тенглаштирилади ва жиддий қоидабузарлик ҳисобланади.
Рашитовнинг мусобақалардан четлаштирилиш муддати 2025 йил 13 майдан 2027 йил 12 майгача этиб белгиланди.
Эслатиб ўтамиз, Улуғбек Рашитов Токио-2020 ва Париж-2024 Олимпия ўйинларида 68 кг вазн тоифасида олтин медални қўлга киритган. У, шунингдек, Осиё ўйинлари, Осиё чемпионати ғолиби ҳамда жаҳон чемпионати совриндори саналади. Рашитов эркаклар ўртасида таэквондо бўйича икки карра Олимпия чемпионига айланган илк спортчи сифатида тарихга кирган.
Изоҳ (0)