Қозоғистон ҳарбий хизматчиларини Буюк Британиянинг олий ҳарбий таълим муассасаларида ўқитади. Икки давлат ҳарбий ҳамкорлик режасини имзолади. Бу ҳақда Қозоғистон Мудофаа вазирлиги хабар берди.
Ҳужжатни имзолаш Лондонда бўлиб ўтган. У ерга Қозоғистон мудофаа вазири полковник Ербол Қумарбекович бошчилигидаги делегация расмий ташриф билан борган. Томонлар ҳарбий ҳамкорликнинг долзарб масалалари ва ўзаро алоқаларнинг истиқболли йўналишларини муҳокама қилган.
Асосий йўналишлар тинчликпарварлик фаолияти, тил бўйича тайёргарлик ҳамда Қозоғистон ҳарбий хизматчиларини Буюк Британиянинг олий ҳарбий ўқув юртларида ўқитишни ўз ичига олади, дейилади Қозоғистон Мудофаа вазирлиги баёнотида.
Учрашув якунида Қозоғистон Мудофаа вазирлиги ҳамда Буюк Британия ва Шимолий Ирландия бирлашган қироллиги мудофаа вазирлиги ўртасида 2025-2026 йилларга мўлжалланган ҳарбий ҳамкорлик режаси имзоланган.
Қозоғистон ҳарбийларининг жанговар шайлигини текширмоқда
Мамлакат қуролли кучларининг жанговар тайёргарлигини текшириш учун 2-5 июнь кунлари қатор ҳудудларда тадбирлар ўтказди. Шу тариқа ҳарбий қисм ва бўлинмаларнинг жанговар шайлиги тайёргарликдан ўтказилди.
Асосий мақсад — мувофиқлаштирилган ҳаракатларни машқ қилиш, шахсий таркибнинг жанговар тайёргарлик даражасини ошириш, шунингдек, қўмондонлик бошқаруви кўникмаларини ривожлантириш, деган Қозоғистон Мудофаа вазирлиги.
Тактик-саф машғулотлари давомида бўлинмаларни жанговар тайёргарлик сигналига кўра оёққа турғазиш, ҳарбий техника колонналарининг доимий жойлашув пунктларидан машғулотлар ўтказиладиган ҳудудларга, полигонларга ва ўқув марказларига ҳаракатланиши кўзда тутилганди.
Изоҳ (0)