Колумбия президентлигига номзод Мигел Урибега 7 июнь куни суиқасд уюштирилди. Бу ҳақда Blu Radio хабар берди.
Маълум қилинишича, 39 ёшли Мигел Урибе мамлакат пойтахти Боготада сайловолди тадбирида чиқиш қилаётганида унга қарата ўқ узилган. Жиноятда гумонланиб 15 ёшли бола ушланган. Унинг Мигел Урибега қарата бир неча маротаба ўқ узгани видеога тушиб қолган.
Унга биринчи тиббий ёрдам кўрсатган шифокорнинг сўзларига кўра, Мигел Урибе бошидан ва чап оёғидан яраланган. Шифохонага олиб келингач, жарроҳлик амалиёти ўтказилган. Айни пайтда унинг аҳволи оғирлигича қолмоқда.
39 ёшли сенатор Мигел Урибе Колумбияда 2026 йилги президентлик сайловлари эҳтимолий номзоди. У Колумбиянинг собиқ президенти Альваро Урибе томонидан асос солинган “Демократик марказ” консерватив партиясидан.
Изоҳ (0)