“Ҳарбий ҳамкорлик режаси”: Марказий Осиё давлатлари мудофаа йўлида бирлашадими?

Марказий Осиё етакчилари минтақада юзага келаётган хавф-хатарлар туфайли мудофаа ва хавфсизлик соҳасида янада чуқур ҳамкорлик қилишга интилмоқда. Минтақа давлатлари етакчиларининг VI маслаҳат учрашуви олдидан Қозоғистон президенти Қосим-Жўмарт Тўқаев хавфсизлик соҳасида ягона ёндашув зарурлигини таъкидлаган бўлса, Ўзбекистон президенти Шавкат Мирзиёев минтақавий барқарорлик учун стратегик ҳужжат ишлаб чиқишни таклиф қилди. Яқинда имзоланган Қозоғистон ва Ўзбекистон ўртасидаги Иттифоқчилик муносабатлари тўғрисидаги шартнома ва давом этаётган ҳарбий машғулотлар билан Марказий Осиё қўшни давлатлар ўртасида мустаҳкам мудофаа алоқаларини ўрнатиш, ишонч ва шерикликни ривожлантиришга қаратилган. Ўзбекистон қўшни республикалар билан мудофаа йўлида бирлашадими?