“Ҳудудий электр тармоқлари” электр энергияси тўловлари билан боғлиқ носозлик тўлиқ бартараф этилганини маълум қилди.
Ижтимоий тармоқларда 7 июль куни электр энергияси учун тўловларда ҳисобга икки баробар пул ҳисобланаётгани тўғрисида хабар тарқалди. “Ҳудудий электр тармоқлари” ҳолатга муносабат билдириб, тўлов тизимлари билан боғлиқ техник носозлик кузатилгани сабаб тўлов амалга оширилганда истеъмолчи балансида тўлов қолдиғини кўпроқ кўрсатиш кузатилаётганини маълум қилди.
Қайд этилишича, айни пайтда истеъмолчилар электр энергияси учун тўловларни исталаган тўлов тизимлари орқали амалга оширишлари мумкин.
Келиб чиққан ноқулайлик учун узр сўраймиз, — дейилади хабарда.
Аввалроқ электр энергияси истеъмоли нотўғри ҳисобланаётганининг сабаби маълум қилинган эди. Ижтимоий тармоқларда тарқалаётган бундай хабарлар келиб чиқишининг асосий сабаби айрим тўлов тизимларининг “Ҳудудий электр тармоқлар” АЖ билан келишмаган ҳолда, гўёки истеъмолчиларга қулайлик яратиш мақсадида маълумотлар чиқаргани сабабли кўплаб истеъмолчиларда мана шундай тушунмовчиликлар юзага келгани айтилди.
Изоҳ (0)