Хитойнинг Пекин шаҳрида ўтказилган аукционда Лабубу ўйинчоғининг ноёб намунаси рекорд даражадаги суммага сотилди, деб хабар берди “Правила жизни”. Баландлиги 131 см бўлган ялпиз рангли лабубу 150 минг доллар сотилди. Ҳозирда бундай рангли Лабубу дунёдаги ягона нусха ҳисобланади. Унинг шакли поливинилхлориддан (ПВХ) тайёрланган.
Бундан ташқари кимошди савдосида чекланган миқдорда 15 нусхада чиқарилган жигарранг Лабубу ҳам бўлиб у 114 минг долларга сотилган.
Аукционни замонавий санъат, хитойлик рассом ва хаттотлар асарлари, кулолчилик ва заргарлик буюмларига ихтисослашган Beijing Yongle International ташкил этди.
Лабубу — бу катта кўзли ва ўткир тишли ғалати ва айни пайтда мафтункор ўйинчоқ махлуқлардир. Сўнгги пайтларда улар феноменга ва ҳар бир инсонда бўлиши керак бўлган аксессуарга айланди.
Лабубу ўйинчоқ-брелоклари рассом Касинг Лан томонидан Хитойнинг ПОП МАРТ ўйинчоқ ишлаб чиқарувчиси билан биргаликда 2015 йилда яратилган. 2024 йилда Blackpink гуруҳи аъзоси Лиса Манобан, Дуа Липа ва Рианна ўйинчоққа бўлган муҳаббатини тан олгандан сўнг, йиртқич ҳайвонларнинг машҳурлиги оша бошлади. Муваффақият калити нафақат машҳурларнинг мухлислари, балки кутилмаган совғалар қутиси формати ҳам бўлди, деб ҳисоблайди Forbes. Кўпинча ўйинчоқни сотиб олувчи ўзига айнан қайси ўйинчоқ тушишини билмайди ва бу оддий харидни қимор ўйинига айлантиради.
Изоҳ (0)