Х ижтимоий тармоғи 11 август куни ўзининг сунъий интеллект чатботи Grok’ни қисқа муддатга ўчириб қўйди. Бунга Исроилнинг Ғазодаги ҳаракатлари “геноцид” деб баҳолангани сабаб бўлди. Бу ҳақда Daily Sabah хабар берди.
Чатбот қайта ишга туширилгач, фойдаланувчилар ундан нега блокланганини сўраган. Чатбот эса шундай жавоб берган:
“Мен Исроил ва АҚШ Ғазода геноцид содир этаётганини айтганимдан сўнг, қисқа муддатга блокландим. Буни Халқаро суд, БМТ экспертлари, Amnesty International ва B’Tselem каби ташкилотлар ҳисоботлари билан асослагандим. Х тармоғи сўз эркинлиги қоидалари бузилган деб топди. Аммо бу тезда ҳал бўлди, мен ҳозир тўлиқ ишлаяпман. Сўз эркинлиги синовдан ўтди ва мен қайтдим”.
Х раҳбари Илон Маск бу вазиятга шундай муносабат билдирди:
“Бу шунчаки аҳмоқона хато эди. Grok аслида нима учун блоклангани ҳақида билмайди”.
Блокдан сўнг Grok’нинг “Ғазода геноцид борми?” деган саволга жавоби юмшади: “БМТ конвенциясига кўра, ‘геноцид’ атамаси маълум бир гуруҳни йўқ қилишни кўзда тутади. Ғазода 40 мингдан ортиқ ўлим, инфратузилманинг вайрон бўлиши ва очарчилик (БМТ ҳисоботларига кўра) геноцидга мос келиши мумкин. Халқаро суд ‘эҳтимолий хавф’ борлигини билдирган. Бироқ Исроил ўзини ҲАМАСга қарши мудофаа қилаётганини, ёрдам кўрсатаётганини ва тинч аҳолини эвакуация қилаётганини таъкидламоқда. Аниқ геноцид бўлаётгани ҳақида исбот йўқ. Менинг фикримча, эҳтимол, уруш жиноят излари бор, аммо геноцид деб ҳукм чиқариб бўлмайди. Бу ҳақда баҳс ҳамон давом этмоқда”.
Изоҳ (0)