Англиянинг “Ливерпуль” футбол клубига эгалик қилувчи Fenway Sports Group (FSG) Испаниянинг “Хетафе” жамоасини босқичма-босқич сотиб олиш бўйича музокаралар олиб бормоқда. Бу ҳақда The Athletic нашри хабар берди.
Манбага кўра, Америка компанияси “Ливерпуль” атрофида бир нечта клубдан иборат футбол гуруҳини шакллантиришни режалаштирмоқда. Шу йўналишда улар илгари Испаниянинг “Малага” ва Франциянинг “Бордо” клублари билан ҳам музокаралар ўтказган, бироқ томонлар келишувга эриша олмаган. Ҳозирда мазкур компания “Хетафе”ни сотиб олиш бўйича музокара бошлаган.
Маълум қилинишича, “Хетафе” узоқ йиллар давомида харидор излаб келган. Клуб эгаси Анхел Торрес дастлаб жамоасини 160 миллион фунт стерлингга бўлган бўлса, ҳозирда бу нархни 100 миллион фунтгача туширган.
Шу билан бирга, Анхел Торрес жамоани сотишга шошилмаяпти. Сабаби, “Хетафе”нинг уй учрашувлари ўтказиладиган “Колизей Алфонсо Перес” стадионида реконструкция ишлари олиб борилмоқда. Ушбу лойиҳа 2028 йилда якунланиши кутилмоқда. Шундан кейин клубни сотиш бўйича жиддий ўйлаб кўриши кутилмоқда.
Маълумот учун, Fenway Sports Group 2001 йилда ташкил этилган бўлиб, 2002 йилда “Бостон Ред Сокс” бейсбол клубини ва унинг “Фенwай Парк” стадионини сотиб олган. Шунингдек, 2010 йилда “Ливерпуль” футбол клуби ва 2021 йилда НҲЛ’даги “Питцбург Пингвинс” хоккей жамоаси ҳам ушбу гуруҳ томонидан харид қилинган.
Изоҳ (0)