Италиянинг “Рома” клуби ёзги трансфер ойнасида таркибни кучайтириш ишларини давом эттирмоқда. Calcio Mercato нашрининг хабар беришича, римликлар “Манчестер Сити” ярим ҳимоячиси Клаудио Эчеверрини ижарага олишни режалаштирмоқда.
Манбага кўра, томонлар ўртасидаги музокара якунланиш арафасида турибди. Трансфер ижара асосида амалга оширилиши кутилмоқда. Шунингдек, шартномага футболчини кейинчалик тўлиқ сотиб олиш банди ҳам киритилиши мумкин. Эчеверрининг “Рома” сафига узоқ муддатли ижара асосида ўтиши тахмин қилинмоқда.
Бироқ “Манчестер Сити” ҳали 19 ёшли футболчининг кетишига рухсат бергани йўқ. Сабаби, ўтган мавсум “шаҳарликлар” сафида бир қатор футболчилар жароҳат олиб, клуб мавсумни совринсиз якунлаган. Шу сабабли инглиз клуби Эчеверрига муносиб ўринбосар топмагунча уни қўйиб юборишни истамаяпти.
Маълумот учун, “Манчестер Сити” Эчеверрини 2024 йил бошида Аргентинанинг “Ривер Плейт” клубидан харид қилган ва уни яна бир йил собиқ жамоасида ижарада қолдирганди. Европага кўчиб ўтганидан сўнг футболчи “Сити” сафида 3 ўйин ўтказиб, 1 та гол уришга муваффақ бўлган. Transfermarkt портали аргентиналик футболчининг қийматини 18 миллион еврога баҳоламоқда.
Изоҳ (0)