Агар АҚШ раҳбари Дональд Трамп Россия президенти Владимир Путин Хитойда бўлган пайтда у ерга ташриф буюришга қарор қилса, уларнинг учрашувини истисно этиб бўлмайди. Бу ҳақда Россия Федерацияси президенти матбуот котиби Дмитрий Песков маълум қилди.
“Бу учрашувга ҳеч қандай аниқ тайёргарлик кўрилмаяпти, чунки ҳозирча келишилган алоқалар йўқ”, деди Кремль вакили.
Песков Путиннинг сентябрь бошида Пекинга ташриф буюриш режаларини тасдиқлаган.
“Агар АҚШ президенти ҳам худди шу кунларда Хитойга ташриф буюришга қарор қилса, албатта, давлат раҳбарлари бир шаҳарда бўлган тақдирда, бундай учрашувни назарий жиҳатдан истисно қилиб бўлмайди”, деди Песков.
Унинг фикрича, Россия ва АҚШ раҳбарларининг учрашуви “фақат экспертлар даражасида тайёргарлик кўрилгандан сўнггина” бўлиб ўтиши мумкин.
“Бизнингча, аввал экспертлар даражасида иш олиб бориш керак, чунки бу мураккаб ва хомаки ишни президентларга қолдириш мутлақо мантиқсиз. Аввал тайёргарлик кўриш, тартибга солиш параметрларини (Украина бўйича) ишлаб чиқиш, кейин эса уларни олий даражада тасдиқлаш керак, бошқача бўлиши мумкин эмас”, деди у.
Бундан аввал The Times нашри манбаларга асосланиб АҚШ президенти Дональд Трамп, Россия раҳбари Владимир Путин ва ХХР раиси Си Цзиньпин сентябрь бошида Хитойда учрашув ўтказишлари мумкинлиги ҳақида хабар берганди.
Изоҳ (0)