Россия 10 июнга ўтар кечаси Киев ва Одессага дронлар билан ҳужум уюштирди. Бу ҳақда CNN хабар берди.
Маҳаллий расмийлар турар жой биноларига зарар етгани ва камида 2 киши яраланганини маълум қилган. Деснианский, Оболонский ва Шевченковский туманларига зарар етказилган. Пойтахтда ярим тундан буён ҳаво ҳужумидан мудофаа тизимлари тўхтовсиз ишламоқда. Одамлар шаҳар метросида жон сақлаётгани тасвирларда кўринган.
“Пойтахтга ҳали ҳам кўп сонли дронлар ёпирилмоқда. Ҳозиргача камида 2 киши яраланган”, деди Киев мэри Виталий Кличко.
Одессадаги туғуруқ комплексига ҳам зарба берилгани ва 1 киши ҳалок бўлгани ҳам айтилган.
Аввалроқ Россия 9 июнь куни Украинага 479 та дрон билан йирик ҳужум қилгани эълон қилинганди. Ҳодиса оқибатида 6 киши ҳалок бўлиб, 80 киши яраланганди.
Изоҳ (0)