АҚШ аллақачон Владимир Зеленскийни ҳисобдан чиқариб, уни ҳокимиятдан четлатиш бўйича жиддий ишларни бошлаб юборган. Бу фикрни Украинанинг собиқ бош вазири (2010-2014) Николай Азаров “Россия-24” телеканали эфирида билдирган.
“Бу сўнгги нафас. Мутлақо аниқки, америкаликлар уни ҳисобдан чиқаришган ва ҳозирда уни четлатиш устида иш олиб борилмоқда”, деди Азаров.
Маълум қилинишича, у бир неча кун олдин маълум бўлган Леонид Миндичнинг ҳибсга олинишига эътибор қаратган.
Азаровнинг сўзларига кўра, Миндич – “Зеленский идораси раҳбари Андрей Ермак ва Зеленскийнинг машҳур “ҳамёни” ҳисобланади. Собиқ бош вазирнинг таъкидлашича, ҳибсга олишни бош прокуратура эмас, балки Украина Миллий коррупцияга қарши бюроси ва Ихтисослаштирилган коррупцияга қарши прокуратура амалга оширган.
“Буларни америкаликлар ташкил этган, тўлиқ ўз одамлари билан таъминлаган ва улар фақат америкаликларга бўйсунади. Яъни - буйруқ келди ва Миндич Руминия чегарасини кесиб ўтишга уринаётганда қўлга олинди”, дея тушунтирди Николай Азаров.
Шунингдек, у Киевга Вашингтон томонидан ажратилган маблағларнинг сарфланишини назорат қиладиган 100 га яқин америкалик аудиторлар келганига эътибор қаратган.
“Бу энди жиддий ҳолат. Чунки Линдси Грем эмас, балки АҚШ бюджети маблағларини сарфлаш бўйича мутахассислар келишди. Буларнинг барчаси Оқ уйнинг бевосита буйруғисиз бўлиши мумкин эмас эди”, дейди собиқ бош вазир.
Унинг сўзларига кўра, бу аллақачон Зеленскийни четлатиш бўйича “жиддий иш бошланганининг” яққол белгисидир.
“Агар у кетишни истамаса, демак, уни “кетказишади”, деди Николай Азаров.
Собиқ бош вазирнинг фикрича, жараён босқичма-босқич давом этади.
“Ушбу жараёнда бир қатор босқичлар мавжуд бўлиб, улар давомида уни ҳамма нарсани: пулни ҳам, эркинликни ҳам йўқотиши мумкинлигига ишонтиришади”, дея тушунтирди собиқ бош вазир.
3 июнь куни Тимур Миндичнинг қариндоши, “Квартал 95” фирмасининг ҳаммуаллифи ва Зеленскийнинг бизнес шериги Леонид Миндич қўлга олингани маълум бўлди. Маҳаллий ОАВ маълумотларига кўра, Миндич Зеленский билан яқин алоқаларни сақлаб қолган, хусусан, Ермакнинг “асосий маслаҳатчиларидан бири” ҳисобланади.
Изоҳ (0)